loading...

Angur ko jab sukha diya jata tab kismis banti hai. Angur ke lagbhag sabhi gun isme hote hai. Yeh 2 types ki hoti hai – laal kismis (red raisins) aur kali kismis (black raisins).
Ise khane se khoon banta hai, gas dur hoti hai, cough dur hota hai aur yeh heart ko healthy rakhta hai. Aiye jante hai hamari body ke liye kismis ke different benefits.

Kismis Ke Swasth Labh (Health Benefits of Raisins)

Vajan Badaye (Increase Weight)

Kismis me fructose aur glucose paya jata hai jisse energy milti hai. Agar apko apna vajan badhana hai aur vo bhi cholesterol badhaye bina to aaj hi ise khana shuru kar de.

Acidity me Faydemand

Jab blood aur stomach me acid ki matra jyada ho jati hai tab hame acidity ki problem ho jati hai. Iski vajah se skin diseases, fode, gathiya (arthritis), gout, gurde ki pathri, baal jhadna, heart disease aur yaha tak ki cancer hone ki bhi possibility ho jati hai. Kismis me potassium aur magnesium paya jata hai jisko khane se acidity me labh milta hai.

Khoon Ki Kami me Faydemand (Beneficial for Anemia)

Kismis me bhari matra me iron, vitamin B complex aur copper paya jata hai. Isliye yeh khoon ki kami (anemia) ke rogi ke liye faydemand hai.

Bukhar me Faydemand (Beneficial in Fever)

Kismis me phenolic phytonutrients tatv paye jate hai jinme germicidal, antibiotic aur antioxidant gun hote hai. Yeh hamari body me bacterial infection aur viral infection se ladte hai. Isliye bukhar (fever) hone par iska sevan karne se labh hota hai.

Sharab Ki Lat se Nidan (Beneficial in Alcohol Addiction)

Jab bhi sharab ka mun kare to sharab ki jagah 10 se 12 gm kismis chaba-chabakar khate rahe ya iska sharbat piye. Iske sevan se hame poshak tatv milte hai, jisse hum excitement, power aur happiness ka anubhav karte hai. Yeh lagatar karte rahne se kuch hi dino me sharab ki lat se mukti mil jati hai.

Yaun Durbalta me Labhkari (Beneficial in Sexual Debility)

Yaun durbalta me rojana kismis khane se labh milta hai. Isme maujud amino acid yaun durbalta ko dur karte hai. Isiliye to shadi-shuda jodo ko pahli raat ko dudh ka glass diya jata hai, jisme kismis aur kesar hota hai.

Haddi Ki Majbuti Me Faydemand (Beneficial for Bones)

Kismis me Boron namak micro nutrient paya jata hai jo ki bone ko calcium absorb karne me help karta hai. Boron ki vajah se osteoporosis ki bimari me rahat milti hai. Ise khane se ghutno ke dard ki samasya bhi dur hoti hai

Ankho Ke Liye (Beneficial for Eye)

Isme anti oxidant property hoti hai, jo ki ankho ki free radicals se ladne me madad karti hai. Kismis khane se cataract, ankho ki kamjori aur eyes muscles damage nahi hoti. Isme maujud vitamin A, a-beta carotene aur a-carotenite tatv hote hai jo ankho ko healthy rakhte hai.

Kabj me Labh (Beneficial for Constipation)

Kismis kafi pachak hoti hai aur pet me jane ke baad extra water aur impurities ko sokh leti. Isse yeh kabj (constipation) me rahat deti hai.

loading...

LEAVE A REPLY

Please enter your comment!
Please enter your name here