लड़की को प्रपोज करने के तरीके लड़की को कैसे प्रपोज करें

0
1581
loading...

Pyar ek aisi bhavna hoti hai jo jitni chhipai jati hai utni hi badhti chali jati hai. Lekin pyar ko jyada dino tak chhupaye rakhne se apko nuksan bhi ho sakta hai. Pyar ke bare me yah baat bhi kahi jati hai ki pyar samay ko nahi dekhta. Kabhi bhi insan ko dusre insan se prem ho sakta hai. Aisa lagta hai samay kuch palo ke ruk gaya ho. Lekin yah ruka hua pal tabhi apke sath ho sakta hai jab ap apne pyar ko apne sathi se propose kar doge.

Kai aise tarike hote hai jinke ap ladki ko propose kar sakte hai, bas thodi si savdhani aur kuch tarike istemal kijiye. Pyar ka ijhar karne ka koi aisa niyam nahi hai jo jaruri ho bas thodi samajhdari hi apka kaam asan kar degi. Purusho ke liye in bato ka dhyan rakhna khasa jaruri hai. Aiye jante hai kisi ladki ko propose kaise kare.

Ladki Ko Propose Karne Ke Tarike (How To Propose A Girl – Tips in Hindi)

Apne Behavior Me Change Laye

Sab kuch is baat par nirbhar karta hai ki apka behavior kaisa hai. Iske sath hi apka baat karna ka tarika aur pahnava apke lover ki pasand ka hona chahiye, taki usko lage ki apki aur uski pasand kitni milti julti hai. To is baat ka vishesh rup se khayal rakhe.

Dar Ko Nikale

Dar to lagta hai. Mun me kai tarah ke sanket ate hai ki kahi jo socha hai vo na ho, kya pata pyar ek tarfa na ho. Is tarah ka dar har ladka aur ladki dono ke mun me chal raha hota hai. Lekin kahte hai ki dar ke aage jeet hai. Koshish jarur kare aur dar ko dil se nikale.

Mulakate Jaruri Hai

Ladki ko propose karne se pahle uske ghul-milna jaruri hota hai. Pyar is baat par nirbhar karta hai ki ap uske sath kitna wakt bitate hai. Mulakato se is baat ka pata chal jata hai ki samne wala apke liye kitna fikramand hai. Lekin yadi pyar sirf najro ka najro se hai to fir mammla thoda alag ho jata hai. Isliye usko propose karne se pahale uske dosti kare.

Pyar Se Bolna Seekhe

Pyar ko jatane ke liye apko apni baato ko madhur shabdo me kahna jaruri hai. Baato me kisi bhi tarah ka teekhapan ya adiyalpan nahi hona chahiye. Jabardasti aj ke samay me kisi ko bhi pasand nahi. Isliye jitna ho sake madhur shabdo ka prayog kare.

Respect Karna Seekhe

Ap dono ke rishte me jitni respect hogi, pyar ka ijhar karne me dono ko utni hi asani aur anand ka anubhav hoga. Apne partner ko ap jitna adar denge vo utni hi apki baato par dhyan degi ya unhe dhyan se sunegi.

Bevajah Ki Baato Se Parhej Kare

Yadi apka lover kisi baat ko lekar khafa ho to us baat ko kabhi bhi propose karte wakt na kahe. Har wakt apne sathi ki bhavnayo ka samman rakhe. Dukh dene wali koi bhi baat bilkul na kare. Isse negative effect pad sakta hai.

Cheerful Bane

Apki pyari si smile hi apke partner ko pyar ke ijhar karne me pura sath dilwati hai. Hamesha chehra khush rakhe. Jo kaam badi se badi cheej nahi kar sakti vo keval ek chhoti si smile karva deti hai.

Apne Talent Ka Istemal Kare

Apne sathi se pyar ka ijhar karne ke liye ap uska favorite gift de sakte hai ya fir khud se likhi hui koi shayari bhi suna sakte hai. Yadi apko koi musical instrument play karna ata hai to ap gana ga kar ya music bajakar apne sathi se pyar ka ijhar kar sakte hai. Jisse apke sathi ko apme ek kala dikhegi aur vo apki taraf attract ho jaygi.

Pyar nature ki anokhi den hai. Saccha pyar kismat walo ko hi milta hai. Yadi ap kisi ko dil se pyar karte hai aur pyar ko jahir karna chahte hai to sabse pahle apne sathi ko samjhe. Sath hi uski pasand ka khayal rakhe aur in baato par jarur amal kare jo apko batai gai hai. Nishchit rup se apko apka pyar mil jayga.

loading...

LEAVE A REPLY

Please enter your comment!
Please enter your name here